Emri i Antonio Contes ka dalë sërish në skenë për trajnerin e ardhshëm të Milanit. Palët kanë qenë gjithmonë shumë pranë njëri-tjetrit, por e vetmja gjë që i ndanë nga firma janë ‘principet’. Kuqezinjtë hezitojnë për italianin, jo për aspekt parash, por për filozofinë e lojës së tij që do të ndryshonte rrënjësisht ekipin.
Nga ana tjetër, Conte njihet për personalitetin e fortë, ambicioz e të drejtpërdrejtë dhe dëshiron garanci për një projekt fituesi. Për këtë të fundit ka folur vetë krahu i tij i djathtë, asistenti Stellini të cilin e ka patur së fundmi te Tottenham.
"Conte bën kërkesa të tepruara në merkato? Nëse shikoj karrierën e Contes, shoh një trajner që kërkoi projekte ambicioze, jo lojtarë. Dhe projektet ambicioze nuk nënkuptojnë domosdoshmërisht lojtarë të shtrenjtë.
I vetmi lojtar i kërkuar specifikisht nga Conte ishte Lukaku, i cili më pas shënoi 60 gola tek Inter dhe fitoi një Scudetto. Kush nuk do ta kishte marrë atë në atë kohë dhe më pas ai u shit për dyfishin e parave. Ai gjithmonë ka marrë rezultatin.
Conte do vetëm një ekip te gatshem për të fituar? Unë nuk mendoj se ka kufij. Janë etiketa të vendosura dhe ndonjëherë këto gjëra për Conte na bëjnë të qeshim. Conte është si gjithë të tjerët, jo dikush që do të zgjidhte vetëm disa lloje projektesh. Leao do të bënte një hap tjetër me Conten, sepse ky ka qenë rasti i ngjashem për shumë lojtarë”, tha Stellini.
Lexo gjithashtu
