Legjenda e Milanit, Arrigo Sacchi është një nga kritikët më të famshëm në Itali. Shpeshherë, ish-trajneri i njohur shpreh lirshëm mendimin e tij për ekipe të ndryshme të Serie A.
Së fundmi, Sacchi është ndalur për të folur për sezonin e ri të kampionatit italian. 78 vjeçari thotë se është shumë kurioz për të parë Juventusin e drejtuar nga Thiago Motta, por thekson se Interi mbetet më i fortë.
“Në Serie A janë 5-6 ekipe që janë të ngritura në mënyrë strategjike. Për shembull, jam kurioz që të shoh Juventusin e drejtuar nga Thiago Motta, por Interi mbetet më i fortë. Inzaghi është një taktik, këtë e kemi parë në shumë raste. Edhe në ndeshjet që mund të kishin shkuar më mirë si në Madrid kundër Atleticos në Champions League”, ishin fjalët e Sacchit.
Lexo gjithashtu
