Shumë “zëra” në Itali kanë raportuar ditët e fundit se Theo Hernandez nuk është dakord që të rinovojë me Milanin dhe se ka kërkuar 8 milionë euro rrogë. Megjithatë, agjenti i francezit ka folur dhe ka hedhur poshtë të gjitha këto spekullime, duke thënë se duan të vendosin futbollistin kundër tifozërisë kuqezi.
“Gjërat që publikohen mbi kërkesat 8 milionë euro në sezon për rinovim s’janë të vërteta. Duan të vendosin lojtarin kundër tifozerisë. E vërtetë që kemi 4 muaj që s’kemi biseduar me klubin, sepse hera e fundit është në maj-qershor, kur na pyetën nëse ishim të kënaqur te Milani dhe ne i thamë “Po”.
Dëshira e Theos është të vazhdojë të luajë me Milanin dhe është i lumtur në Milani. Por, deri tani oferta e rinovimit ende nuk ka mbërritur te ne”, është shprehur agjenti i mbrojtësit të majtë francez.
Lexo gjithashtu
