Randal Kolo Muani duket se ka rigjetur veten tek Juventus. Në 3 ndeshjet e tij të para si bardhezi, sulmuesi francez ka shënuar 5 gola. Dy golat e fundit i shënoi në ndeshjen e fundit përballë Comos, teksa në përfundim u shpreh mjaft i lumtur, duke theksuar se të ishte pjesë e Juventusit i ngjasonte me ëndrrën.
“Të jem këtu është si një ëndërr për mua. Kam shokë skuadre fantastikë që më kanë ndihmuar të përshtatem dhe të jap më të mirën. Fituam një ndeshje të vështirë, ndaj një rivali që luan mirë. U treguam të zotët që të besonim deri në fund. Jam i kënaqur për golat, por mbi të gjitha për fitoren e skuadrës.
Duhet të vazhdojmë kështu. Që tani mendja ime dhe e të gjithëve është në ndeshjen e radhës. Juventusi duhet të luajë gjithmonë për të fituar dhe duhet të punojmë më shumë për të korrigjuar disa gabime”, është shprehur Kolo Muani pas ndeshjes me Comon.
Lexo gjithashtu
