Liverpool ka barazuar në transfertë përballë Aston Villës, në ndeshjen e vlefshme për javën e 37-të të Premier League. Sfida e zhvilluar në stadiumin “Villa Park”, përfundoi me rezultatin 3-3.
Ishte Liverpool që kaloi i pari në avantazh falë një autogoli të Emiliano Martinez në minutën e 2-të të sfidës.
Por, Aston Villa gjeti shumë shpejt barazimin duke barazuar me Tielemans në minutën e 12-të. Ndërsa në minutën e 23’, ishte Gakpo që rikthehu përsëri Liverpoolin te avntazhi.
Edhe me nisjen e pjesës së dytë “The Reds” ishin më kërkues të cilët e çuan ndeshje në 1-3 që në minutën e 48’ me anë të Quansah. Por Aston Villa nuk u dorëzua duke barazuar gjithçka me golat e Duran në minutën e 85’ dhe 88’.
Me këtë barazim, Aston Villa është shumë pranë zyrtarizimit si pjesëmarrëse e Champions League, duke u renditur në vendin e katërt me 68 pikë, 5 më shumë se Tottenham, por këta të fundit kanë 1 ndeshje më pak.
Në krahun tjetër, Liverpool mbetet me 79 pikë në vendin e 3-të në tabelën e renditjes.
Lexo gjithashtu
