Ruben Amorim ka nisur punën te Manchester United dhe debutimin do ta bëjë në sfidën ndaj Ipsëich në transfertë, takim që do të luhet ditën e dielë në orën 17:30. Portugezi ka sjellë një frymë pozitive në skuadër, ndërsa përveç se synon të përçojë te lojtarët idetë e tij, po mendon edhe për afrimet.
Kështu sipas mediave britanike bëhet me dije se Amorim ka kërkuar nga drejtuesit që në merkaton e janarit të ndërhyjnë për të transferuar lojtarët e duhur. Një nga repartet që kërkohet urgjentisht përforcime është mesfusha.
Christian Eriksen i përfundon kontrata në fund të sezonit, ndërsa Casemiros i përfundon në qershor të 2026. Siç dihet Amorim përdor skemën 3-4-3 dhe për këtë duhen përforcime për këtë formacion, që lojtarët t’i përshtaten lojës së tij.
