Evertoni i Armando Brojës del në fushë sot në orën 13:30 për të sfiduar Arsenalin. Ndeshje e vlefshme kjo që ngre siparin e javës së 31-të të Premier League.
Sulmuesi i Kombëtares shqiptare i ka lënë pas shqetësimet dhe pritet të marrë minuta ndaj “topçinjve”. Për cilësitë e Armando Brojës, ka folur dhe trajneri i Evertonit, David Moyes.
“Mendoj se ai ka disa cilësi shumë të mira. Ai ka aftësi, ka momente kur mund të mbajë mirë topin dhe të na krijojë ne mundësi. Ai ka edhe shpejtësi gjithashtu. Mendoj se ne duhet të mundohemi t’i japim një mundësi që të shohim se çfarë mund të bëjë. Por për fat të keq mund të zgjedhësh vetëm 11 në formacion dhe duhet të zgjedhësh ata që mendon se do të të sigurojnë rezultatin më të mirë në ndeshje”, shprehet trajneri i Everton.
Lexo gjithashtu
