Lirimi nga burgu i ish-futbollistit të Barcelonës nuk është pritur fare mirë nga qytetarët në Barcelonë. Garancia prej 1 milionë eurosh përkundër lirisë së përkohshme duket se i ka indinjuar edhe më shumë ato.
Gjatë ditës së premte, kur ish-futbollisti Dani Alves u paraqit në Gjykatën e Barcelonës sipas detyrimit të vendosur nga organi ekzukutiv gjyqësor për detyrim paraqitje njëherë në javë. Ai u sulmua me verbalisht nga kalimtarë të rrugës, të cilët e quajtën si manipulues të drejtësisë. Ato u dëgjuan duke thënë:
“O përdhunues… Alves, ke shumë para për të përdhunuar, apo jo? Janë para për të përdhunuar dhe për të paguar”.
Ndërsa kujtojmë se ish-futbollisti i Barcelonës Dani Alves u lirua nga burgu nga Gjykata Provinciale e Barcelonës pas arrestimit të tij për përdhunim ndaj një vajze 23 vjeçare në Barcelonë. Përkundër fitimit të lirisë së përkohshme në sajë të pagesës 1 milionë euro si garanci, ai është i detyruar që të paraqitet çdo javë (të premten) në Gjykatën Provinciale të Barcelonës për të firmosur, duke vërtetuar se është në dispozicion të drejtësisë dhe nuk është larguar nga Spanja.
Përveç kësaj, braziliani Alves duhet të zbatojë një urdhër ndalimi prej 1000 metrash nga “viktima”, 23-vjeçarja që e denoncoi më parë për përdhunim në një lokal nate në Barcelonë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
