Rodrygo është një nga lojtarët që pritet të kthehet në temë diskutimi në merkaton e ardhshme verore. Sulmuesi brazilian ka gjasa që të largohet nga madrilenët, për të nisur një aventurë të re në Premier League.
Shumë ekipe si, Manchester City, Arsenal dhe Liverpool janë vënë në lëvizje dhe kërkojnë më shumë informacion për Rodrygon. Por, në ‘pole position’ është Manchester United. “Djajtë e Kuq” dëshirojnë që ta bëjnë brazilianin protagonist kryesor në repartin ofensiv.
Sipas “Fichajes.net”, United është gati të ofrojë plot 120 milionë euro për të siguruar shërbimet e Rodrygos, me 23-vjeçarin që pritet ta mendojë si mundësi.
Kujtojmë që këtë sezon, Rodrygo ka qenë një nga pikat kyçe të Realit. Në 42 ndeshje të këtij sezoni, ai ka shënuar plot 15 gola, teksa ka asistuar në 8 të tjerë.
Lexo gjithashtu
