Barcelona do të luajë ndeshjen e parë gjysmëfinale të Copa del Rey kundër Atletico Madridit. Ndeshja do të luhet nesër mbrëma ora 21:00 në Montjuïc ku vihet në diskutim prezenca e lojtarit Lamine Yamal.
17-vjeçari u lëndua në sfidën kundër Las Palmas, teksa ditën e sotme nuk ka qenë në stërvitje me pjesën tjetër të skuadrës.
Sipas “Mundo Deportivo” bëhet me dije se talenti spanjoll ka punuar në palestër. Kjo i shkakton “dhimbje koke” gjermanit, pasi Yamal rrezikon të mos luajë ndaj Atleticos.
Ndërkohë lajm i mirë për të është se Ronald Araujo ka zhvilluar rregullisht stërvitje dhe është i gatshëm të jetë titullar ndaj ekipit të Diego Simeones.
Siç dihet mungesa do të jenë Marc-André, Ter Stegen e Marc Bernal, ndërsa Andreas Christensen, pas disa ushtrimeve me grupin, është “OK” për t’u kontribuar për ekipin.
Lexo gjithashtu
