
Barcelona mundi mes rrebeshit të golave Realin për të ngritur lartë trofeun e Superkupës së Spanjës. Vjet madrilenët fitonin në po fianlen e Superkupës, kurse tani radhën e kishte të triumfonte Barça në një “El Clasico” të zhvilluar në Arabi.
Flick nuk ka si të mos jetë i emocionuar pasi ky ishte çmimi i parë që fiton në Spanjë në drejtimin e Barcelonës. Gjermani mban një super ecuri nëpër finale, duke fituar të gjashtën në karrierë pas 5 të mëparshmeve pa mbërritur në gadishullin iberik.
“Dëshironim të fitonim Superkupën e Spanjës. Për ne është një trofe i rëndësishëm. Mendoj se e meritonim, pasi kemi bërë dy ndeshje shumë të mira dhe sidomos një finale të madhe.
5 gola ndaj Realit nuk është diçka e lehtë. Merita i shkon lojtarëve për paraqitjen e shkëlqyer”, u shpreh Flick.