Marc Casado është padiksutim një tjetër talent që i shtohet Barcelonës. I dalë nga “La Massia” i riu ka zënë një vend në formacionin bazë të Hansi Flick, teksa dukshëm ka fituar besimin e këtij të fndit.
Në lidhje me paraqitjen dhe performancën e 21-vjeçarit ka folur Rafa Marquez. Dyshja e njohin mirë njëri –tjetrin pasi meksikani e ka stërvitur te “La Massia” spanjollin.
“Casado një lider total për dëshirën për të pasur sukses, i cili ka fituar të jetë aty ku është me punën e tij. Është shumë konkurrues dhe Flick, që në momentin e parë që e pa, vendosi ta mbajë atë. Ju duhet t’i jepni atij meritat për atë zgjedhje dhe për guximin për t’u dhënë këtyre lojtarëve të rinj një rol.
Ajo që i veçon është t’u jepet mundësia, kjo është metoda e Barçës – të kesh dikë në fazat e fundit të zhvillimit të futbollit që beson te lojtarët e rinj dhe u jep atyre mundësinë. Me Casadon, Barça Atletic ishte një ekip, dhe pa të, skuadra ishte ndryshe.
Ai ishte shumë i rëndësishëm si në fushë ashtu edhe jashtë saj. Casadó më kujtoi veten për sa i përket qëndrimit, karakterit dhe dëshirës për t’u përmirësuar çdo ditë, duke dhënë maksimumin në çdo ndeshje dhe stërvitje me një mentalitet shumë konkurrues, fitues”, ka deklaruar meksikani.
Mesfushori ka arritur të luajë 15 ndeshje me katalanasit, ku ia ka dalë të japë edhe 5 asiste. Paraqitje këto që e kanë vënë në qendër të merkatos dhe tashmë ekipe ‘big” janë vënë pas për shërbimet e tij.
Lexo gjithashtu
