Granit Xhaka
Bayer Leverkusen ia doli të triumfonte në transfertë, në gjysmëfinalen e parë të Europa League përballë Romës. Sfida e zhvilluar në “Stadio Olimpico”, përfundoi me rezultatin 0-2.
Pas kësaj sfide, foli edhe një nga lojtarët më të rëndësishëm për Leverkusen, Granit Xhaka. Mesfushori i Leverkusen në prononcimin e dhënë për mikrofonat e "Rai", tha se asgjë s'ka mbaruar.
“E dinim që do të ishte tepër e vështirë, por ne luajtëm një lojë të shkëlqyer. Më vjen keq që nuk shënuam më shumë gola. Kemi bërë një hap të rëndësishëm, por e dimë forcën e Romës dhe duhet të jemi të kujdesshëm. Finalja është shumë afër, por s’ka mbaruar asgjë”, është shprehur Xhaka pas fitores në Romë.
Poll
Lexo gjithashtu
