Dinamo rikthehet protagoniste në Europë pas 15 vitesh. Për dinamovitët janë 15 vite pritje për të siguruar edhe kualifikimin e parë në garat europiane.
Ekipi i drejtuar nga Ilir Daja tashmë do të luajë në fazën e 3-të të Conference League, me “Blutë” që mposhtën me rezultat të përgjithshëm 3-2 ekipin e Atletic Escaldes.
Kundërshtari i radhës për Dinamon do të jetë një emër “big”. Daja me “djemtë” e tij do të sfidojnë Hajduk Split, ekip ku luan edhe Adrion Pajaziti.
Klubi nëpërmjet një postimi në rrjetet sociale pranon vështirësinë e kësaj përballjeje, ndërsa ka zbuluar edhe datat kur do të sfidojë kroatët. Kështu dueli i parë mes tyre do të luhet më 7 gusht në Kroaci, ndërsa 14 gusht do të luajnë në “Elbasan Arena” sfidën e kthimit.
“Në turin e tretë të UEFA Conference League dinamovitët do të gjejnë përballë ekipin e njohur kroat të Hajdukut të Splitit. Një kundërshtar mjaft i vështirë.
Ndeshja e parë do të zhvillohet më 7 gusht në Split, kurse ajo e kthimit një javë më pas në stadiumin “Elbasan Arena”.
#ForcaDinamo”, ka zbuluar klubi.
Lexo gjithashtu
