Bayern Munich ka humbur shërbimet e yllit të skuadrës, Jamal Musiala të paktën për ndeshjen e parë kundër Interit në Ligën e Kampioneve, ndonëse frika konkrete te bavarezët është që ai të humbasë të dy sfidat çerekfinale.
Futbollisti u dëmtua në pjesën e dytë të ndeshjes ndaj Augbsurgut, pas një tërheqje muskulore dhe doli nga fusha i mbajtur nga krahët nga mjekët e ekipit. Drejtori sportiv i bavarezëve, Max Eberl, konfirmoi për “Bild”, se Musiala nuk do të ishte i pranishëm në ndeshjen e kësaj mesjave ndaj Interit.
“Situata nuk duket e mirë për fat të keq. Nuk do të jetë për ndeshjen e të martës”, theksoi ai shkurtimisht pas përfundimit të sfidës.
Tani pritet të mësohet se kush do të marrë vendin e “Bambit” në fushën e lojës pas këtij dëmtimi, por opsioni më i mundshëm është Thomas Muller, i cili edhe në ndeshjen ndaj Augsburgut u fut në fushë pikërisht në vend të djaloshit.
Lexo gjithashtu
