Për Matthijs De Ligt kanë nisur problemet. Qendërmbrojtësi holandez para disa ditësh është përfshirë në një aksident, ku ka përplasur me Audi Q8 e tij një makinë tjetër.
Lojtari po shkonte drejt qendrës stërvitore të Bayern Munich dhe ka ndodhur përplasja. Fatmirësisht nuk ka viktima, por përplasja mes dy makina mosohet të ketë qenë e fortë.
Shoferi i makinës tjetër ka njoftuar menjëherë policinë, e cila mbërriti në vendngjarje, teksa kanë nisur edhe hetimet. Nga ky aksident holandezi rrezikon të dënohet dhe sipas “Bild” mund të jetë deri në 3 vite burg. Ende nuk duhet se cila është arsyeja e këtij aksidenti dhe çfarë rregullash ka shkelur holandezi.
Kjo situatë mund të ndryshojë edhe karrierën e tij, pasi siç dihet prej kohës është në “shënjestrën” e Manchester United. Tashmë gjithçka ka ngecur dhe mbetet ditët e ardhshme për të mësuar më shumë mbi këtë çështje dhe çfarë do të ndodhë me De Ligt.
Lexo gjithashtu
