Stefan Ortega, Ederson dhe Scott Carson
Bayer Leverkusen është në kërkim për një portier të ri, pasi një nga aktualët e skuadrës do të largohet në fund të sezonit.
Sipas “Kicker”, klubi gjerman ka shënjestruar portierin e Manchester City-t, Stefan Ortega, si një nga kandidatët kryesorë për të konkurruar me Lukas Hradecky për vendin e titullarit në katërkëndëshin e portës.
Ortega dëshiron më shumë minuta në fushë dhe të luajë rregullisht. Gjermani ka luajtur në 16 ndeshje këtë sezon, duke përfshirë 10 paraqitje në Premier League.
Kontrata e tij skadon në verën e vitit 2026, ndërsa vlera e tij në treg vlerësohet rreth 9 milionë euro. Ortega nuk është i panjohur për Bundesligën, pasi ka luajtur 67 ndeshje me Arminia Bielefeld përpara transferimit në Angli.
Poll
Lexo gjithashtu
