Nico Schlotterbeck nuk do të lëviz nga Borussia Dormund, përtej interesimeve të shfaqura nga gjigantët e Europës të cilët e kishin në listën e tyre për të përforcuar mbrojtjen gjatë verës.
Klubi gjerman e ka bërë njoftimin në faqen e tyre zyrtare, ku mbrojtësi i Pancerave shfaqet i lumtur për vendimin e marrë.
Kështu, skuadrat si Barcelona, Real Madrid dhe Bayern Munich, të cilët treguan interes për shërbimet e tij, duhet të hedhin sytë tek alternativat që rezervon tregu i merkatos e ku emrat në fakt nuk mungojnë.
Kartoni i Schlotterbeck i kushtoi gjermanëve afro 33 milionë euro, ndërsa tani vlera e tij në merkato, me përditësimin e fundit në Transfermakt, shkon në 55 milionë euro, e me gjasë pas rinovimit do të rritet akoma më shumë.
