Bayern Munich fitoi mesditën e sotme në shtëpi përballë Koln, ndeshjen e vlefshme për javën e 29-të të Bundesligës. Sfida e zhvilluar në stadiumin “Allianz Arena”, përfundoi me rezultatin 2-0 në favor të vendasve.
Por krahas kësaj fitoreje, Bayernit iu shtua edhe një hall tepër i madh. Kinglsey Coman la fushën e lojës i dëmtuar në këtë sfidë, në minutën e 50-të duke shtuar ‘frikën’ te bavarezët.
Coman mungoi në ndeshjen e fundit në kampionat përballë Heindenheim për shkak dëmtimti, teksa u kthye të martën e shkuar për të luajtur në Champions League kundër Arsenalit, sfidë në të cilën u aktivizua 25 minuta.
Ndërsa me dëmtimin e sotëm, sulmuesi francez rrezikon seriozisht ndeshjen e kthimit përballë “Topçinjve”, duke iu bashkuar kështu Serge Gnabry dhe Alphonso Davies.
Lexo gjithashtu
