Duket si një mallkim për Harry Kane, i cili, pavarësisht se ishte një nga sulmuesit më të mirë në botë për më shumë se 10 vjet, nuk kishte ngritur kurrë një trofe në karrierën e tij deri në këtë sezon . Makthi mori fund në pasdite kur, falë barazimit 2-2 midis Freiburgut dhe Bayer Leverkusenit, erdhi siguria matematikore e fitimit të Bundesligës me fanellën e Bayern Munich.
Marrëdhënia problematike e Kane me Kupat filloi te Tottenham, ku ai u rikthye në sezonin 2013/14 pas periudhave të huazimit te Millëall, Norëich dhe Leicester. Me Spurs ai e vendosi veten si një sulmues ndërkombëtar, duke i udhëhequr londinezët drejt konkurrencës me golat e tij.
Megjithatë, pavarësisht 280 golave në 435 ndeshje, këto finalzime nuk u arritën kurrë të “prodhonin” trofe. Me Kane në zemër të sulmit, Tottenham arriti në podiumin e Premier League tri herë (2 vende të treta dhe 1 të dytë), humbi dy finale të Kupës së Ligës dhe mbi të gjitha finalen e Champions Leagiue 2018/19 kundër Liverpoolit. Udhëtime të paharrueshme, duke humbur gjithmonë hapin e fundit dhe vendimtar.
Në fund të sezonit 2022/23, Kane vendos t’i japë fund përvojës së tij me Spurs dhe pranon të transferohet te Bayern Munich. Është e pamundur të mos fitosh në Bavari, mendoi qendërsulmuesi anglez. Megjithatë, ai nuk iadel mbanë, të paktën në vitin e tij të parë në Gjermani.
Pas 11 titujve radhazi për Bayernin, Bundesliga u fitua nga Bayer Leverkusen pikërisht në vitin kur mbërriti Kane. Por nuk mbaron me kaq, sepse skuadra e Mynihut humbi edhe finalen e Superkupës së Gjermanisë kundër Leipzig, u eliminua herët nga Kupa e Gjermanisë dhe u eliminua në gjysmëfinalen e Champions-it nga Real Madridi.
A është kjo një mallkim që prek vetëm klubet? Padyshim që jo. Që nga viti 2015, Kane është bërë një anëtar gjithnjë e më i rregullt i ekipit kombëtar të Anglisë, duke u bërë golashënuesi i tyre më i mirë me 71 gola. Gola që kontribuojnë në rezultatet e shkëlqyera të viteve të fundit, me një vend të katërt në Kupën e Botës në Rusi në vitin 2018 dhe mbi të gjitha 2 finale të Kampionatit Europian.
Nuk ka gëzim për një trofe as në ekipin kombëtar, sepse në vitin 2021 vjen humbja kundër Italisë, në Ëembley, për më tepër, ndërsa 3 vjet më vonë në Gjermani është Spanja që triumfon në aktin e fundit kundër anglezëve.
Lexo gjithashtu
