Bayern Munich e kërkoi me ngul Jonathan Tah në merkaton e verës, por palë nuk ia dolën dot të konkretizonin këtë transferim. 28-vjeçari vazhdon kështu qëndrimin te Bayer 04.
Ndeshja e së shtunës për të do të jetë mjaft e veçantë, pasi gjermani do të zbresë në fushën e “Allianz Arena” dhe do të sfidojë bavarezët. Në pag të kësaj përballje ka folur gjermani, i cili ka theksuar se është gati për të sfiduar Bayern Munich.
“Ne jemi absolutisht gati në 100%. Mezi presim të luajmë dhe ne e dimë se do të jetë një sfidë e vështirë dhe se ata do të luajnë gjithçka për gjithçka. Në fushë sigurisht do të hyjmë me besim të plotë në vetvete dhe e dimë se çfarë duhet të bëjmë”, ka theksuar Tah.
Tah do të jetë në qendër të vëmendjes në Mynih. Kontrata e tij skadon në fund të sezonit dhe Tah ka njoftuar prej kohësh se nuk do të pranojë rinovimin për të qëndruar te Leverkusen.
Lexo gjithashtu
