Çështja Alphonso Davies është një nga më të paqartat te Bayern Munich. Këta të fundit kanë dëshirën që kanadezi të qëndrojë, në krahun tjetër lojtari është ende shumë i pavendosur me idenë e Real Madrid në kokë.
Së fundmi një nga drejtuesit e Bayern Munich, Uli Hoeness ka folur pikërisht për këtë çështje. 72 vjeçari thotë se Davies-it ia kanë bërë të qartë që nuk do t’i ofrojnë më shumë para. Pra, nëse nuk rinovon largohet këtë verë.
“Ne ia kemi bërë të qartë, se nëse nuk rinovon kontratën do të largohet. Nuk do të ofrojmë më shumë para sesa kemi ofruar”, ishin fjalët e Uli Hoeness.
Kujtojmë që në rast largimi nga Bayern Munich, mbrojtësi i majtë me shumë mundësi do të transferohet te Real Madrid. “Los Blancos” e shohin Davies si të duhurin për të përforcuar ekipin dhe krijuar një skuadër galaktikësh.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
