Sergio Aguero ka bërë deklaratën e bujshme, ku është shprehur se Lionel Messi mund të rikthehet në Barcelonë për të mbyllur karrierën ashtu siç e meriton. Ish-futbollisti i Barçës shpreson që “Pleshti” të luajë përgjithmonë, por ndonjëherë gjërat nuk janë në dorën e tyre.
“Messi është lojtari më i rëndësishëm që Barcelona ka pasur në historinë e saj. Ai është një legjendë e klubit dhe e qytetit.
Messi është sinonim i Barcelonës dhe besoj se e shijoi rikthimin në fushën e Camp Nou. Mendoj se ai kapitull nuk është mbyllur”, ka deklaruar Aguero.
Siç dihet dyshja kanë një miqësi shumë të ngushtë mes tyre, teksa janë rritur te grupmoshat e Argjentinas, ndërsa për një periudhë të shkurtër kanë luajtur së bashku te Barcelona. Tashmë pas dsa vitesh, Aguero shpreson që Messi të jetë sërish protagonist në Kupën e Botës 2026.
Lexo gjithashtu
