Bayern Munich është në ‘panik’ dhe shkak bëhet dëmtimi i Harry Kane. Sulmuesi anglez u dëmtua në seancën stërvitore gjatë grumbullimit me përfaqësuesen e tij.
Kane mungoi në ndeshjen e mbrëmshme që Anglia luajti përballë Brazilit dhe do të fluturojë drejt Mynihut. Këtë lajm e konfirmoi edhe vetë trajneri i kombëtares së Anglisë, Southgate.
“Harry Kane nuk do të jetë në gjendje të luajë të martën, kështu që do të kthehet tek klubi i tij”, ka thënë trajneri britanik.
30-vjeçari pësoi një dëmtim në kyçin e këmbës, që mesa duket nuk është edhe aq i lehtë. ‘Bomberi’ i bavarezëve mund të mungojë përballë Arsenalit në Champions League, duke i prishur shumë plane skuadrës gjermane.
Përveç sfidës së Ligës së Kampionëve, Harry Kane do të mungojë edhe në Bundesligë në sfidat që Bayerni do të luajë përballë Borussia Dortmund dhe Heidenheim.
Lexo gjithashtu
