Alban Bushi ka folur pas fitores së Kombëtares kundër Maltës U-21, ndeshje e vlefshme si miqësore. Trajneri i Shpresave është shprehur i kënaqur me paraqitjen e lojtarëve të tij, megjithatë për Supersport ka treguar që ka ende shumë punë për të bërë.
Tekniku kuqezi thekson se në Kombëtaren e Panuçit janë disa elementë të datëlindjes 98-99, pra që mund t'i shërbejnë skuadrës U-21.
"Jam i kënaqur nga loja e skuadrës. Kemi bërë një paraqitje relativisht pozitive, megjithatë ka ende shumë punë për të bërë. Më pëlqeu loja e Shaqir Tafës që luajti për gjatë gjithë 90 minutave.
Ekipi U-21 ka elementë cilësorë dhe me disa futbollistë të Kombëtares së madhe që janë datëlindje 98-99, si Giacomo Vrioni, mund të përforcohemi shumë nëse zbresin poshtë. Mund t'iu tregoj që kemi parë edhe një futbollist mjaft të fortë, mjaft cilësor që luan në Francë dhe besoj se do ta marrim në ndeshjet e ardhshme", ka deklaruar Alban Bushi.
Lexo gjithashtu
