Eros Grezda ishte blerja më e bujshme në Superiore gjatë verës. Partizani arriti t’i lidhë kontratë me një pagë rreth 5500 euro në muaj, duke e bërë atë dhe ndër lojtarët më të paguar të skuadrës.
Pavarësisht se u afrua me shumë bujë duke u bërë dhe kryefjalë, Grezda nuk ia doli të shkëlqejë siç pritej. Ditën e sotme u arrit dhe te ndërprerja e kontratës me bashkëpunim mes palëve. Grezda ishte dëmtuar më parë dhe nuk shihej më si pjesë e projektit të të kuqve.
Për çfarë dha Grezda gjatë këtyre muajve mund të flitet pak. Në total bashkë me ndeshjet europiane, u aktivizua 17 ndeshje. 12 prej sfidave hyri nga zëvendësimi. 28-vjeçari u përfshi vetëm te 1 gol, atë ndaj Atletic Club D’Escaldes që e shënoi në minutën e 95’ dhe pati vlerë për statistikë në fitoren 4 me 1.
5 muaj zgjati aventura e tij te Partizani. Më pak se gjysma e sezonit, ndërsa tashmë klubi i kuq duhet të mendojë dhe për një zëvendësues.
Lexo gjithashtu
