Besëlidhja me përforcime nga Superiorja, nisin tratativat

Besëlidhja ka shpallur objektivin sezonal, i cili është ngjitja në Kategorinë Superiore. Prej disa sezonesh lezhjanët luajnë në Kategorinë e Parë, por që i janë afruar ndjeshëm ngjitjes dhe nuk e kanë arritur.

Ky vit pritet që të jetë ndryshe. Normalisht, dora e drejtuesve dhe trajnerit është ndjerë, por që pritet që të ketë të tjera përforcime. I larguar nga Laçi një ditë më parë, Taulant Sefgjinaj, pritet që të firmosë në Lezhë.

Emri i tij është lakuar edhe në Kamzë, por njohjet që ka me trajnerin Stavri Nica pritet që ta dërgojnë atë në Lezhë. Situata duket se do të shkojë drejt përfundimit, ndërsa mësohet se janë diskutuar detajet e kontratës.