Interi siguroi 3 pikë mjaft të rëndësishme përballë një rivali direkt për titullin në Serie A. Zikaltërit fituan 1-0 ndaj Juventusit në “San Siro” dhe shkëputen kështu në vendin e parë.
Pas këtij triumfi, Lautaro Martinez do të ishte mjaft i lumtur, ndërsa përgëzoi shokët për lojën e zhvilluar. Ndër të tjera preku edhe çështjen e rinovimit me Interin.
“Fitorja me Juventusin? Ishte një mundësi e jashtëzakonshme dhe bëmë ndeshje të madhe dhe me personalitet. Vumë në vështirësi Juventusin, që vetëm mbrohej dhe kërkoi të nisej me kundërsulme. Por ne e kishim analizuar lojën e tyre dhe jemi të lumtur që morëm fitoren. Sigurisht që nuk ishte e lehtë dhe në fund po mendonim vetëm për të mbrojtur rezultatin .
Rinovimi? Jemi duke folur. Sigurisht që nuk është e lehtë, por do të kërkojmë që të gjejmë gjuhën e përbashkët. Rruga është e duhura. Unë përqëndrohem vetëm në fushën e lojës. Kam ende 2 vjet kontratë dhe ndihem shumë mirë tek Interi. Nuk ka vend për shqetësim, por thjesht për dakordësim. Dua ta udhëheq këtë grup dhe të përcjell vlerat që më ka mësuar im atë. Ky është një grup i fortë dhe duam të fitojmë gjithçka në këtë sezon. Po stërvitemi mirë dhe po punojmë ashtu siç duhet me trajnerin Inzagi”, ka përfunduar sulmuesi argjentinas.
Lexo gjithashtu
