Sinan Idrizi pritet të jetë sërish në krye të Flamurtarit. Prej 26 ditësh tanimë, vlonjatët janë "pa Zot", gjë që ka sjellë edhe reagime në Vlorë.
Bashkia e qytetit dhe Këshilli bashkiak kanë organizuar nesër në 10:00 një mbledhje në ambientet e stadiumit në Vlorë, ku do diskutohet e ardhmja e klubit të futbollit, që është plot borxhe dhe në Kategorinë e Dytë.
Në mungesë të ofertave, i vetmi në garë për të vijuar punën është Sinan Idrizi me kompanitë e tij. Idrizi ka disa vite që është administrator, teksa pritet të marrë sërish rolin e tij për të nxjerrë nga humnera një emër si Flamurtari.
Borxhet e shumta kanë bërë që Idrizi të vihet në punë, duke shlyer futbollistë të ndryshëm. Me vetëm atë në garë, duket sikur në Vlorë janë të detyruar t'ia besojnë sërish klubin e futbollit ish-administratorit.
Lexo gjithashtu
