Interi barazoi 1-1 në transfertën ndaj Real Sociedad. Në ndeshjen e vlefshme për raundin e parë të fazës së grupeve të Champions League, zikaltërit u mjaftuan me 1 pikë.
Pas kësaj sfide, u prononcua për mediat autori i golit për italianët, Lautaro Martinez.
“Nuk jemi të kënaqur, nuk luajtëm mirë, nuk bëmë atë që kishim përgatitur. Në pjesën e parë ishim në vështirësi. Ne duhet të përmirësohemi më shumë.
Nuk mendoj se kjo paraqitje e jona ka të bëjë me angazhimet e shumta, por kishim një kundërshtar të mirë që shpesh na la jashtë loje. Nuk ishim të saktë në daljet përpara, kjo ndodhi dhe në derbi.
Ne e dinim që Real Sociedad ishin të fortë. Na vendosën në vështirësi sidomos me praninë e tifozëve të tyre. Gjithsesi e rëndësishme është të mos humbasësh. Prandaj 1 pikë është e rëndësishme”, është shprehur argjentinasi pas ndeshjes.
Lexo gjithashtu
