Vllaznia për femra barazoi ditën e djeshme një ndeshje të luftuar deri në fund përballë Vorskla Kharkiv. Rezultati final ndau paqen mes dy ekipeve që shënuan nga një gol secili. Për ndeshjet ka folur edhe presidenti i klubit të Vllaznisë për femra, Lazer Matija, i cili shfaqet optimist për ndeshjen e kthimit ku do të kërkojë kualifikimin.
“Ukrainasit dominuan totalisht në pjesën e parë sepse ne nuk e njihnim mirë kundërshtarin ndërsa ata na kishin studiuar mirë. Në pjesën e dytë bëmë disa ndryshime dhe besoj së funksionuan. Vajzat sulmuan dhe arritën të shënonin por pastaj u ndëshkuam me një penallti që nuk e di a ishte po jo.
Na u anullua edhe një gol që duhet parë edhe një herë sepse nuk e di a ishte apo jo offside. Gjyqtarja është Bullgare dhe shpresoj të mos ketë ndikuar fakti që është komshi. Vorskla është skuadër e mirë por ne kemi shanset tona për kualifikim.”-deklaroi presidenti Matija.
Lexo gjithashtu
