Ballkani ka luajtur ditën e sotme përballë Lirisë. Ndeshje e vlefshme për javën e 10-të të Superligës së Kosovës. Sfida u zhvilluar në “Stadiumin e Qytetit” në Suharekë.
Një ndeshje që nuk u nis aspak mirë për Ballkanin, madje pjesën e parë e mbylli në disavantazh. Për Lirinë shënoi Zenunaj në minutën e 15’ duke krijuar përshtypjen e një ndeshje të vështirë për të besuarit e Ilir Dajës.
Por me nisjen e pjesës së dytë Ballkani u tregua më vendimtar dhe kërkues. Ekipi nga Suhareka shënoi plot 4 gola duke përmbysur gjithçka në 4-1. Golat për kampionët e Kosovës u shënuan nga Berisha, Dellova dhe dy gola nga Kryeziu.
Me këtë fitore Ballkani “blindon” vendin e parë me 23 pikë, ndërsa Liria mbetet në vendin e parafundit me vetëm 6 pikë të grumbulluara pas 10 ndeshjeve të luajtura.
Lexo gjithashtu
