Ballkani ka fituar në ndeshjen e sotme pa probleme përballë Dukagjinit. Sfida e vlefshme për javën e 14-të të Superligës së Kosovës, përfundoi me rezultatin 3-1 në favor të kampionëve.
Ekipi i Ilir Dajës kaloi në avantazh që në minutën e 15’ me anë të Gripshit. Ky i fundit ktheu në gol një 11-metërsh. Dukagjini në krahun tjetër gjeti golin e barazimit në fundin e pjesës së parë. Vitor Hugo risolli baraspeshën në mintuën e 44’ të sfidës.
Me nisjen e pjesës së dytë, Ballkani u bë më kërkues teksa gjeti golin e avantazhin për 2-1, në minutën e 48’ me anë të Kryeziut. Për golin e 3-të mendoi Tolaj, i cili tundi rrjetën e Dukagjinit në minutën e 89’ të sfidës.
Me këtë fitore Ballkani i Ilir Dajës “blindon” vendin e parë me 32 pikë, 7 më shumë se Drita e vendit të dytë. Në krahun tjetër, Dukagjini mbetet në vendin e gjashte me 17 pikë të grumbulluara pas 14 ndeshjes.
Lexo gjithashtu
