Janë luajtur ditën e sotme tre ndeshje të javës së 7-të të Superligës së Kosovës.
Ballkani u përball në transfertë me Fushë Kosovën, ndeshje që ekipi nga Suhareka e fitoi pastër. Skuadra e Ilir Dajës triumfoi me rezultatin 2-0. Golat për kampionët e Kosovës u shënuan nga Tolaj dhe Kuc.
Gjilani mori një fitore të rëndësishme në shtëpi përballë Lirisë. “Skifterat” fituan me rezultatin minimal 1-0, me golin e shënuar nga Basa në minutën e 55-të me anë të një 11-metërshi.
Në krahun tjetër Llapi fitoi me një supër përmbysje në minutat e fundit. Pasi u gjend në disavantazhin e dy golave përballë Malishevës, skuadra llapjane gjeti forcën për të triumfuar 2-3, në një transfertë aspak të lehtë. Golat për vendasit u shënuan nga Oshafi dhe Brruti, teksa për Llapin shënoi Hyseni në mintuën e 58’ dhe 99’ dhe Januzi në minutën e 90’.
Me këtë fitore Llapi mban vendin e parë me 16 pikë, po aq sa dhe Ballkani. Por këta të fundit kanë një ndeshje më pak.
Lexo gjithashtu
