Ballkani i Ilir Dajës arriti të shpallej kampion për të dytin vit radhazi dhe tashmë ata po mendojnë për merkaton. Tashmë ekipi i është rikthyer fushës së blertë dhe ka nisur zyrtarisht përgatitjet për garat europiane.
Pas disa largimeve dhe afrimëve ditëve të fundit, suharekasit ka bërë një tjetër goditje me peshë. Bëhet fjalë për sulmuesin që i dha fund aventurës së tij me Dritën, Almir Kryeziu. Kryeziu është bashkuar menjëherë me ekipin e Dajës.
Ka qenë vëtë klubi që e ka bërë të ditur lajmin nëpërmjet një postimi në Facebook:
MIRSEVJEN ALMIR KRYEZIU
Kemi kënaqësinë t'u njoftojmë se sulmuesi këmbëshpejtë Almir Kryeziu tashmë edhe zyrtarisht është pjesë e skuadrës kampione.
FC BALLKANI ka arritur marrëveshje 3 vjeçare me futbollistin, i cili së fundmi ishte pjesë e skuadrës së Dritës.
Kryeziu është bashkuar menjëherë me ekipin, si një armë e fortë më shumë për trajnerin Ilir Daja.
Klubi i uron mirëseardhje Almirit dhe shumë suksese të përbashkëta drejt synimeve tona
Lexo gjithashtu
