Ballkani luan nesër në orën 20:00 përballë Klaksvikar, ndeshje e vlefshme për turin e tretë të Conference League. Takimi i parë luhet në stadiumin “Fadil Vokrri”, ndërsa më 11 gusht do tentohet kualifikimi historik nga Ishujt Faroe.
Ilir Daja që po drejton Ballkanit drejt “play-off” të Conference League, pasi i ka shpallur kampion për herë të parë në histori, ka folur në konferencën e zakonshme për shtyp.
Tekniku i “portokallinjve” nuk ka lënë pa përmendur Zalgiris, që i eleminoi nga turi i parë i Champions dhe tashmë ndodhet në turin e tretë. Kështu Daja kërkon të jenë cinikë dhe të shfrytëzojnë rastet për të arritur rezultatin e dëshiruar. Për më tepër mund të lexoni një pjesë nga fjala e tij më poshtë.
“Në raundin e tretë nuk ka ndeshje të lehta, sepse ekipet apo ekipi që e kemi përball është i disiplinuar. Mendoj se duhet të jemi të përqendruar dhe ekuilibruar pasi gjithçka mund të vendoset nga detajet, ashtu siç na ndodhi me Zalgirisin. Duhet të jemi cinikë, të shfrytëzojmë rastet dhe të arrijmë rezultat pozitiv.
Duhet të jemi të kujdesshëm dhe nuk mund të them se jemi ne apo kundërshtari favorit. Ekipi që do të ketë përqendrim maksimal do të shkojë drejt objektivit. Shpresojmë të kemi fatin dhe të marrim fitore”, u shpreh ndër të tjera Daja.
Lexo gjithashtu
