Juventusi u trondit ditën e djeshme pasi Gjykata vendosi t’i zbresë 10 pikë nga klasifikimi për shkak të “Fair-Play-t” financiar. “Zonja e Vjetër” tashmë është jashtë çdo kompeticioni europian, teksa ndodhet në vendin e 7-të me 59 pikë, 1 më pak se Roma e vendit të 6-të.
Por sikur të mos mjaftonte vetëm kaq, bardhezinjtë u mposhtën edhe nga Empoli në mbrëmje dhe pas kësaj disfate për mediat foli Allegri. Ky i fundit ishte shumë i “mllefosur” dhe theksoi se ata sipër që marrin vendime, vendosin nga zyrat pozicionin e skuadrës në Serie A.
“Ata sipër vendosin se në çfarë vendi do të renditet Juventus, kjo është e gjithë historia. Por, në këtë pikë është e tepruar, ka një mungesë të theksuar respekti për njerëzit që punojnë çdo ditë për klubin.
Lojtarët e gjeten veten me 10 pikë më pak, 10 minuta para ndeshjes me Empolin. Është normale që u goditën psikologjikisht, ndikon edhe skualifikimi nga Sevilla në Europa League. I pashë djemtë në stërvitje dhe ata ishin “bosh”, shumë ndryshe nga herët e tjera”, u shpreh Allegri.
Lexo gjithashtu
