Kreu aktual i FSHF-së, Armando Duka ka dhënë një intervistë për "Supersport", ku ka zbuluar shumë detaje rreth të ardhmes së tij, mes të tjerash dhe mundësinë për rikandidimin në zgjedhjet e ardhshme për president të Federatës Shqiptare të Futbollit.
Në intervistën e dhënë për "Supersport", Duka i pyetur nga gazetarja Vilma Masha për mundësinë e rikandidimit, ka lënë të kuptohet se do të jetë pjesë e kandidatëve në zgjedhjet e ardhshme.
"Nga Zoti, vetëm Zoti duhet të më thotë mjaft. Mjaft duhet të thotë ai që s'ka asgjë, ai që ka duhet të luftojë gjithmonë për diçka më shumë. Ai që ndien që duhet të japë, duhet të vazhdojë të japë, me maksimumin e tij, me përkushtimin e tij, me ndërgjegjen e tij. Mjaft thotë vetëm Zoti", është shprehur Armando Duka i cili me shumë gjasa do rikandidojë sërish për të marrë postin e presidentit në FSHF.
Lexo gjithashtu
