Drita e Kosovës është mundur ditën e sotme në ndeshjen e parë të raundit të dytë të Europa League ndaj F91 Dudelange me rezultatin 2-1. Kmapionët e Kosovës kaluan të parët në avantazh, por në pjesën e dytë brenda pak minutave vendasit kanë përmbysur gjithçka, duke dalë me fitore nga kjo ndeshje.
Drita në një postim në rrjetet sociale, ka reaguar ndaj një arbitrimi aspak të drejtë, që ka ndikuar në rezultatin e ndeshjes.
"FT: F91 Dudelange 2 : 1 FC DRITA
Sot është zhvilluar ndeshja e parë, e vlefshme për raundin e dytë të Europa Liges, ku klubi jonë FC DRITA u mposhtë me rezultat 2:1 përballë ekipit vendas F91 Dudelange që u favorizua tej mase nga gjyqtari i ndeshjes! Lojtarët tanë bënë një paraqitje të mirë, ndërtuan aksione të mira dhe krijuan shumë raste shënimi, por të vetmën gjë që sot nuk e arritën futbollistët tanë, ishte se nuk arritën ta mposhtin edhe njëanshmërinë e gjyqtarëve nga Qipro.
Në minutën e 31-të ndeshjes, klubit tonë ju mohua një penalti e pastër ku nga një aksion i rrjedhshëm Haxhi Neziraj gjuan drejt portës ku topin e ndal me dorë lojtari kundërshtar e që referi është shumë afër dhe quditërisht lejon që loja të vazhdoj. FC DRITA kaloi në epërsi në minutën e 45-të të pjesës së parë me golin e Xhevdet Shabanit, për ta përmbyllur pjesën e parë me një gol epërsi.Me fillimin e pjesës së dytë, favoret që gjyqtari kryesor i bënë ekipit vendas vërehen shumë nga të gjithë ku edhe pse dy lojtarë të ekipit tonë ishin të shtrirë në fushë, ai lejonte që loja të vazhdojë!
Në minuten e 66-të të ndeshjes, nga një pakujdesi e mbrojtjes tonë, barazohet rezultati.
Në vazhdim të ndeshjes del edhe më shumë në skenë gjyqtari për t'i dhënë kahje komplet tjetër ndeshjes dhe për të na dëmtuar rëndë ku nga një aksion i pastër, në minuten e 81-të te ndeshjes, gjyqtari jep penalti për ekipin vendas dhe përjashton me kartonin e dytë të verdhë Endrit Krasniqi. Nga penaltia u shënua goli i epërsis për ekipin vendas. Lojtarët tanë edhe pse të demoralizuar shumë nga referimi skandaloz, nuk u ndalën për asnjë moment, ku ne minutat shtesë të ndeshjes Xhevdet Shabani nga distanca godet traversen dhe me pak fat do ta barazonte rezultatin!
Ndeshjen e kthimit ekipi jonë do ta pret edhe më i mobilizuar, dhe më të fort se kurrë, sepse nëse sot ekipi vendas e kishte mbështetjen e gjyqtarëve nga Qipro, ne do t'i kemi ata për të cilët jemi, INTELEKTUALËT", shkruan Drita!
Lexo gjithashtu
