Presidenti i Federatës së Futbollit të Kosovës Agim Ademi ka zbuluar së fundmi progresin e futbollit në Kosovë dhe vëmendjen e ka kthyer tek teknologjia e VAR. I ftuar në studion e “Pressing”, presidenti Ademi u pyet për arbitrimin në Kosovë edhe Shqipëri.
“VAR është i domosdoshëm. Tashmë është i vendosur në të gjitha Ligat e botës por . Në një ndeshje nuk e kanë fajin vetem arbitrat por edhe të tjerët. Ne kemi filluar të bëjmë severin për VAR. Kemi një infrastrukturë që duhet të ndërtohet sepse nuk është e duhura. Por duhet të them që në dy apo tri xhirot e fundit të Kampionatit do të provojmë VAR. Futbolli është sporti i zhurmës. Zhurma herë herë i nxjerr në pah gabimet por ndonjëherë bën dhe dëm”, tha Ademi.
“Siç e tha dhe Starova, futbolli në Kosovë po rritet. Në Shqipëri, investimet kanë qenë më të mira. Por nëse flasim për vitin e fundit, është rritur niveli i investimeve tepër në Kosovë dhe mendoj se kemi ecur me hapa shumë të shpejtë, për faktin se kemi qenë jashtë fushave të futbollit dhe thuajse kemi pasur një mbijetesë 10 vjeçare, me rregullat e UEFA-s dhe FIFA-s.
Jam shumë i lumtur që kemi ardhur në këtë pikë dhe në këtë vit, 3 skuadra kanë shkuar në Europë. Në Kosovë është aplikuar ligji i sponsorizimit, i cili i jep mundësinë Koorporatave të mëdha që një pjesë të tatimit në fitim, t’i japin klubeve të futbollit, në kuotën 30%. Nga janari, është i aplikueshëm ky ligj, edhe pse janë bërë para-kontratat që vitin e shkuar mes klubeve dhe Koorporatave. Superliga jonë do të jetë me 10 ekipe dhe sigurisht do të ketë rritje më të madhe të Shqipërisë”, shtoi Ademi.
Arbitrimi në Kosovë:
“Tek ne edhe gabimet njerëze dënohem. Këtë vit kemi marrë edhe masat më të rrepta për arbitrat. Do të shkojnë në një komision të veçantë ekspert të arbitrave dhe ata do të vendosin nëse do të ketë përjashtim nga organizata e arbitrave ose ndërrim kategorie. Ka ndodhur që kemi nxjerr nga Kategoria disa arbitra. Tani ka ndodhur me një arbitër që ka qenë si me nam dhe me emër. Mund të themi që ka arbitra që dinë dhe nga ata që dinë më pak. Ne marrim masa më rigoroze vetëm për këtë fakt që të mbrojmë kampionatin. Ne kemi bërë dhe një reformë që vendosim 10 arbitra të rinjë. Ne i fusim arbitrat drejtpërsëdrejti në luftë për të patur sa më shumë konkurencë. Ata të rinjë që futen janë gati më të gatshëm dhe të kujdesi sepse kanë dëshirë dhe frikë për të qenë në Superligë. Një arbitër duhet ta sigurosh fillimisht që të jetë i qetë kur gjykon një ndeshje. Normalisht gabimet e një arbitri me qëllim apo jo i kushtojnë shumë ekipeve”, tha Ademi
Loading ...
