Teuta dhe Kukësi barazuan 0-0 për javën e katërt në Superligë. Pasditen e së premtes në “Niko Dovana”, dy skuadrat kanë ndarë pikët, në një ndeshje që ka qenë me raste dhe e luftuar.
Pjesa e parë ka folur më shumë për vendasit e Shkëmbit, me trajnerin korçar që merr pikë në rikthimin te Teuta. Në minutën e 45 të ndeshjes, Kukësi mbetet me një lojtar më pak pas daljes me të kuq të Ferreira.
Tanimë pas dy humbjeve, Gega rikthehet të marrë pikë me Kukësin e tij, duke shkuar në kuotën e dy pikëve, teksa sërish gjenden të fundit. Teuta me tre pikë qëndron në vendin e parafundit. Pas ndeshjes, trajneri Skënder Gega u "përplas" me arbitrin, Ferataj i tregoi kartonin e kuq.
Pas ndeshjes për Oversport foli sulmuesi i Teutës, Lorenco Vila. I pyetur nga Andi Lila për ftesën e munguar në Kombëtare, sulmuesi tregoi se ka pasur dëmtime.
“Krijuam shumë, fati nuk ishte me ne. Të jemi më të qetë para porte në ndeshjet e ardhshme, janë pikët ato që të qetësojnë. Më shumë këto ditë kemi folur nga ana psikologjike dhe fryma që sjell një trajner i ri.
Rasti i humbur – U vonova shumë, më shumë doja të merrja penallti.
Talenti dhe faji që nuk ke siguruar Kombëtaren – Vjet pësova dëmtim, njëjtë si 2 vite më parë. Nuk kam luajtur tre muaj. Kam qenë disi i penalizuar nga këto.
Lirshmëria para porte – Ka trysni kur s’ke pikë, sot na gëzon fakti që dolëm para porte sepse nuk kemi dalë shumë. Të fitojmë ndeshjet e radhës dhe të marrim pikë, ky është objektivi. Dua të ndihmoj sa më shumë ekipin. Të jap më të mirën këtu dhe të luaj në një kampionat më të fortë", tha Vila.
Lexo gjithashtu
