Alvaro Morata rikthehet në Seria A, “Corriere dello Sport” zbulon emrin e skuadrës

“Corriere dello Sport”  ka zbuluar sot të ardhmen e Alvaro Moratës, i cili aktualisht luan tek Real Madridi. Pas një periudhe të mirë tek Juventusi, atë e mori sërish klubi që ka kartonin e ti, Real Madridi, por si duket, për sulmuesin nuk është gjetur një vend në formacion dhe ky i fundit mund të largohet sërish.

E përditshmja italiane ka shkruar sot, se Morata mund të rikthehet sërish tek ekipi i tij, Juventusi, ku sulmuesi gjeti veten shumë mirë gjatë kohës që ishte pjesë e ekipit.

Vetë sulmuesi thuhet në shkrimin e të përditshmes italiane, nuk ishte  i pakënaqur me vendimin e tij  për tu kthyer tek Real Madrid verën e kaluar, por ishte klubi ai që vendoste, duke mos lënë sulmuesin të bëjë zgjedhjen e tij. Morata, ka shënuar 9-të gola në 21 paraqitje për Los Blancos këtë sezon, ka startuar vetëm në një nga katër ndeshjet e fundit të Realit në të gjitha garat.