Juventusi ditën e nesërme do të luajë ndaj Leçe në kampionat, një takim që “Zonja e Vjetër” kërkon 3 pikët për vendin e dytë në tabelën e klasifikimit. Kjo përballje është e vlefshme për javën e 33-të të Serie A.
Në prag të këtij dueli ka folur trajneri Allegri, i cili ka theksuar se kërkon vendin dytë në kalsifikim si dhe të fitojnë Europa League. Ndër të tjera tekniku i bardhezinjve foli edhe për dëmtimin e Di Marias dhe Alex Sandro.
Dëmtimet? Di Marias dhimbja i kaloi. Është i gatshëm dhe do të jetë pjesë e lojës, është një lojtar i jashtëzakonshëm. Alex Sandro do të qëndrojë pushim në këtë takim, me shumë mundësi edhe Rabiot.
Bilanci duhet bërë në fund të vitit, kemi 2 objektiva për të arritur që janë Europa League dhe një vend mes 4 të parave në kampionat. Po punojmë që të kthehemi të luftojmë në kampionat deri në fund, këtë vit nuk ia dolëm sepse ka qenë një vit i pasur me ngjarje brenda dhe jashtë fushës. Tani fillon një mini-kampionat për ne dhe objektivi është të arrijmë Lazion”, ka përfunduar Allegri.
Lexo gjithashtu
