Pas largimit të Alan Pardew nga drejtimi i Crystal Palace për shkak të rezultateve negative, vendin e tij vetëm një ditë më vone e ka zënë nga Sam Allardyce, i cili ka firmosur një kontratë për 2 vjet e gjysmë.
Allardyce ka drejtuar Anglinë, por është shkarkuar pak kohë më parë për shkak të një skandali që ai u përfshi në lidhje me "leksionet" që jepte se si mund t'i shpëtoje pagesës së taksave për transferimin e lojtarëve në Premier League.
Ditën e djeshme në drejtim të përkohshëm tek Crystal Palace është vendosur Keith Millen, që ka drejtuar ekipin në takimin ndaj Watdord. Gjatë konferencës para ndeshjes së djeshme, Millen është pyetur rreth afrimi të trajnerit të ri, ai është shprehur: "Ai është një menaxher me përvojë në Premier Ligë, është i suksesshëm dhe di të ndërtojë lojë brenda ekipit. Ka aftësinë e veçantë të ngrejë një ekip, kur ky i fundit gjendet në vështirësi, nuk mund të them asgjë më shumë", është shprehur Millen në konferencën pra ndeshjes me Watford.
Lexo gjithashtu
