Nuk ka paqe për mesfushorin e Napolit, Allan, protagonist në situatën negative që po kalon ekipi i Ançelotit. Braziliani ka pasur probleme dëmtimi që nga ndeshja me Atalantën, duke munguar në takimet e tjera. Ky i fundit ka pasur edhe një “duel” me djalin e presidentit De Laurentis, teksa nuk ka dashur të jetë pjesë e një “izolimi” që numri një i stolit urdhëroi. Allan dhe djali i De Laurentis kanë shkëmbyer fjalë ofenduese mes tyre, teksa mesfushorit i është kujtuar paga.
Kjo përsa i përket fushës, pasi Allan ka qenë protagonist ose më mirë viktimë i një sulmi në Napoli. Një grup hajdutësh kanë hyrë në banesën e brazilianit, në momentin që në shtëpi ishin familjarët e tij. Në momentin e ngjarjes, mesfushori nuk ishte prezent, duke e bërë edhe më të vështirë situatën. Gjithçka ka kaluar pa viktima, por Allan po përjeton një situatë të vështirë me Napolin dhe në Napoli.