Te Luftëtari i janë gëzuar barazimit ndaj Flamurtarit në javën që lamë pas, por një pikëshi i kësaj ndeshje duket se ka lodhur shumë lojtarët e ekipit gjirokastrit. Mësohet se gjysma e lojtarëve të skuadrës janë mjaft të lodhur, por të gjithë do të jenë të gatshëm për sfidën e javës së 14-të që do të luajnë ndaj Kamzës.
Ndaj Flamurtarit, Rroca dhe Beqiri kanë zbritur në fushë të dëmtuar duke mos braktisur ekipin. Toledo ishte një tjetër futbollist që la fushën e blertë për shkak të një dëmtimi. Aleksi po ashtu pësoi lodhje të rëndë fizike dhe pse luajti i dëmtuar në këtë takim. Abazaj, Rrapo dhe Bregu gjithashtu vuajtën shumë në këtë ndeshje.
Duke parë se nuk bëhet fjalë për dëmtime më shumë sesa lodhje, pritet që Luftëtari të zbarkojë në Kamëz i plotë, duke mos pasur vështirësi të mëdha, edhe pse duhet pritur një njoftim zyrtar para ndeshjes për të kuptuar nëse bëhet fjalë për ndonjë lojtar specifik që nuk do të mund të ndihomojë skuadrën në këtë përballje.
Lexo gjithashtu
