Maguette Gueye është alarmi i Partizanit para derbit me Dinamon. Mesfushori i Partizanit nuk figuron te fotot e zakonshme të postuara nga klubit, për seancën e ditës stërvitore.
Kujtojmë se 4 ditë më parë, kundër Egnatias në sfidën e përfunduar 1 me 1, 21-vjeçari u detyrua të lërë fushën e lojës. Për shkak dëmtimi, Maguette u zëvendësua në minutën e 57-të dhe u largua direkt për në dhomat e zhveshjes.
Senegalezi është lojtar kyç për Partizanin ku ka arritur të shënojë dhe 1 gol në kampionat, ndërsa 1 herë tjetër ka asistuar. Maguette është ndër lojtarët e vetëm që shihen si të pazëvendësueshëm për skuadrën, dhe aktualisht shkalla e dëmtimit të tij nuk bëhet e ditur.
Kujtojmë se derbi me Dinamon luhet më 10 shkurt, e shtunë ora 17:00 në stadiumin “Niko Dovana”. Ndeshja e vlefshme për javën e 23-të është delikate sepse Partizani po ndjen në rrezik vendin e dytë.
Lexo gjithashtu
