Hakim Ziyech mund të jetë përforcimi më i ri për skuadrën e PSG. 29 vjeçari që impresionoi me paraqitjet e tij në Kupën e Botës në Katar, nuk duket se po kalon një moment optimal tek skuadra e Chelsea.
Blutë e Londrës kanë afruar shumë emra këtë merkato si Mudryk, Joao Felix, Fofana apo dhe me shumë mundësi Enzo Fernandez. Afrime të tilla e pakësojnë mundësinë që Ziyech të jetë titullar në planet e Graham Potter.
Klubi parizien po e monitoron këtë situatë pasi një afrim i një lojtari si Ziyech do t’i shtonte vlerë skuadrës si në mesfushë po ashtu dhe në fazën sulmuese, duke qenë se marokeni mund të luajë si anësor dhe mesfushor i avancuar. Do të mbeten orët e fundit e merkatos për të mësuar mbi fatin e Ziyech. Për të ka patur gjithashtu edhe një interesim të hershëm nga Milani dhe Barcelona
Lexo gjithashtu
