Interi do të presë Milanin nesër në San Siro për të zhvilluar aktin e dytë dhe të fundit për një biletë në finalen e Champions League. Zikaltërit kanë fituar ndeshjen e parë 0-2 dhe kanë një avantazh shumë të madh në lojë. Ekipi i Inzaghit është favorit për kualifikimin por futbolli ka treguar gjithmonë se e pamundura nuk bën pjesë në këtë sport.
Kështu mendon edhe mbrojtësi i Interit, Acerbi, i cili dëshiron të ul me këmbë në tokë ekipin e tij dhe të futen në fushë me fokus maksimal duke shmangur euforinë.
“Nëse nuk shkojmë në finale atëherë është një sezon i dhj*rë. Një ndeshje është e mjaftueshme për ta kthyer vitin në një dështim. Deri tani ka qenë një sezon shumë i mirë. Nëse mendojmë qoftë edhe 1% se finalen e kemi të sigurtë atëherë po bëjmë një gabim shumë të madh”,- tha Acerbi.
Lexo gjithashtu
