Mexhit Neziri është larguar nga skuadra e Shkëndijës së Tetovës. Lajmi bëhet i ditur nga klubi kuqezi që përmes një njoftimi në kanalin zyrtar bën me dije ndërprerjen e bashkëpunimit.
Mbrojtësi i linjës së Shkëndijës ka luajtur për 7 sezone me ekipin shqiptar, ndërsa ka vendosur që në moshën 32-vjeçare t’i jap fund aventurës së tij në Maqedoninë e Veriut. Në njoftimin e bërë në kanalin zyrtar të klubit, Shkëndija e Tetovës shkruante:
“KF Shkëndija shpreh mirënjohje dhe vlerësim maksimal për kontributin e dhënë në fanellën kuqezi për Mexhit Nezirin.
Mbrojtësi i djathtë nuk do të jetë pjesë e Shkëndijës në vazhdim të kampionatit. Klubi dhe lojtari kanë ndëprerë bashkëpunimin me konsezus. 32 vjeçari ka luajtur rol të rëndësishëm te Shkëndija, mirëpo planet e klubit për të ardhmen dhe pretendimet e lojtarit për më shumë minuta sollën në përfundim që në këtë moment ndarja është në favor të të dyja palëve.
Mexhit Neziri ishte pjesë e Shkëndijës gati 7 sezone, gjatë të cilave zhvilloi 155 paraqitje zyrtare (134 ndeshje në kampionat, 8 në Kupë dhe 13 në Kupat e Evropës), ndërsa ka fituar tre trofe me kuqezinjtë, dy kampionate (2010/2011 dhe 2020/2021) dhe një Super Kupë (2011). Do të mbahet mend si pjesë e gjeneratës së artë e cila në vitin 2011 fitoi titullin e parë kampion në historinë e klubit, si dhe debutoi në Kupat e Evropës.
KF Shkëndija me këtë rast falemenderon Mexhit Nezirin për impenjimin dhe kontributin e dhënë në fanellën kuqezi brenda gjithë këtyre viteve, duke i uruar shëndet dhe gjitha të mirat në të ardhmen”.
Lexo gjithashtu
